1. Navigation
  2. Inhalt
  3. Herausgeber
Inhalt

Statny minister za hospodarstwo, dźěło a wobchad

Martin Dulig

Martin Dulig

Martin Dulig
(© Götz Schleser, Rainer Weissflog, Fotolia)

Krótkobiografija

Diplomowy pedagoga, rodźeny dnja 26. februara 1974 w Plauenje, zmandźeleny, ma šěsć dźěći, bydli ze swojej swójbu w Moritzburgu. Wotrosće jako jedne ze štyrjoch dźěći Duligec swójby w Mišnje. 1983 přećahny swójba do Moritzburga. Jako młodostny zezna Młodu wosadu, nic jenož jako křesćansku zhromadnosć, ale tež jako organizaciju młodostnych, kotřiž ideje demokratije a tolerancy hižo do přewróta 1989 znajachu a po nich jednachu. Z tutymi idejemi přinošowaše Martin Dulig po zjednoćenju Němskeje tež k dźěłu SPD.

1990 zahaji swoje powołanske wukubłanje jako twarski fachowy dźěłaćer z abituru. 1992 zastupi do SPD. Wot 1992 do 1998 dźěłaše při SPD Sakska jako referent za kubłanje młodźiny. 1999 załoži zhromadnje z přećelemi towarstwo Syć za demokratiju a kuražu z.t., kotrehož zwjazkowy předsyda wón do dźensnišeho je. Załožiwši zwjazk Jusos Sakska sobu, skutkowaše Martin Dulig wot 1999 do 2004 jako jeho krajny předsyda. 2000 wolachu jeho prěni raz do krajneho předsydstwa SPD. 2004 wotzamkny swój studij kubłanskich wědomosćow na TU Drježdźany jako diplomowy pedagoga.

Za čas swojeho wysokošulskeho wukubłanja dźěłaše na swobodnej bazy jako trenar w kubłanju dorosćenych. Wot 2004 je Martin Dulig zapósłanc Sakskeho krajneho sejma. Po třoch lětach jako Parlamentariski jednaćel přewza 2007 zastojnstwo frakciskeho předsydy; naposledk jeho w septembru 2014 w tutym zastojnstwje wobkrućichu.

Wot 2009 je Martin Dulig tež předsyda sakskeje SPD. 2014 steješe jako načolny kandidat swojeje strony we wólbnym boju za nowy Sakski sejm. Nimo toho angažuje so Martin Dulig we wšelakich powšitkownje wužitnych towarstwach a je tež w dźěłarnistwje ver.di a Dźěłaćerskim dobroćelskim zwjazku (AWO) aktiwny. Doma w Moritzburgu skutkuje jako gmejnski radźićel.

Marginalspalte


Illustration

© Institution