1. Navigation
  2. Inhalt
  3. Herausgeber
Inhalt

Čehodla swobodny stat?

Posledni sakski kral Bjedrich Awgust III.

Posledni sakski kral Bjedrich Awgust III.
(© Němska Fototeka, SLUB/ Shutterstock)

Čehodla je Sakska swobodny stat?

Pomjenowanje »swobodny stat« pokazuje na demokratisku tradiciju Sakskeje. Wotpowědnik francoskeho słowa »République« podšmórnje, zo njewobknježi so kraj wot suwerena, ale wot swojich swobodnych staćanow.

Wjace hač sto lět bě Sakska kralestwo. Do toho bě wona kurwjerchowstwo, wójwodstwo a markhrabinstwo. Jako so po skónčenju Prěnjeje swětoweje wójny monarchija w Němskej wotstroni, wuwoła Dźěłaćerska a wojerska rada dnja 10. nowembra »Republiku Saksku«. Tři dny pozdźišo stupi kral Bjedrich Awgust III. wróćo. Pomjenowanje »Republika« dołho nejwobsteješe, a němske zapřijeće »swobodny stat« bu bórze wuspěšniše.

W februarje 1919 woli so prěnja »Sakska ludowa komora«. Hdyž wona dnja 28. februara »Nachwilny zakładny zakoń za Swobodny stat Saksku« wobzamkny, sta so pomjenowanje hamtske. Tohorunja dnja 1. nowembra 1920 wobzamknjena doskónčna wustawa wobchowa tute zapřijeće.

Ze »Zakonjom wo gleichšaltowanju krajow z rajchom« wot 31. měrca 1933 so swobodny stat wotstroni a z nim knježenska forma parlamentariskeje demokratije. Tež w NDR njehraješe swobodny stat žanu rolu. Teritorij kraja bu do třoch zarjadniskich wobwodow dźěleny.

Hakle po měrliwej rewoluciji w Němskej nawjaza so při znowazawjedźenju krajnych strukturow w lěće 1990 zaso na demokratisku tradiciju swobodneho stata.

Priwilegije abo prawniske wosebitosće Swobodny stat Sakska napřećo druhim zwjazkowym statam žane nima, ale tola wjele starše statne tradicije.

Marginalspalte


Illustration

© Institution