1. Navigation
  2. Inhalt
  3. Herausgeber
Inhalt

Strowota a hladanje

Kajke wuskutki ma demografiska změna na strowotniski a hladanski system?

Přećiwo powšitkownemu trendej woteběracych ličbow wobydlerjow w swobodnym staće, ludnosć w starobnych skupinach nad 50 lět po ličbje dale stupa. Žony a mužojo w Sakskej maja drje stajnje dlěje dobru kondiciju, bywaja pak tež přeco starši. Hač do 2020 powyši so ličba za chorosće a hladanje wosebje disponowaneje starobneje skupiny starcow a staruškow nad 80 lět na něhdźe dźesaćinu cyłeje ludnosće. Z toho móže sćěhować, zo so potrjeba na wukonach w strowotniskim a hladanskim systemje přichodnje najebać spadowaceje ličby ludnosće dale powyši.

Kak wuskutkuje so demografiska změna na hladarnistwo?

Husto sćěhuja młodźi Saksojo atraktiwnym dźěłowym poskitkam a wopušća swoju blisku domiznu, zo bychu so w bliskosći dźěłoweho městna zasydlili, mjeztym zo starši na swojim bydlenskim městnje wostanu. Dalokož bywaja starši hladanja potrěbni, je za dźěći dalšich zdalenosćow dla ćešo, jich podpěrować móc. Dźěra w swójbnym zastaranju hladanja potrěbnych budźe so přiběrajcy přez priwatne poskitki ambulantneho a stacionarneho hladanja kaž tež podpěru ze susodstwa a čestnohamtski angažement wupjelnić dyrbjeć.

Kajke sćěhi nastanu za strowotniske zastaranje w swobodnym staće?

Spadowaca ličba wobydlerjow podróši zawěsćenje docpěteho wysokeho niwowa medicinskeho zastaranja. W Sakskej ma so wosebje w rědko wobsydlenych regionach z tym ličić, zo budu přichodnje wyše wudawki za wobstejace strowotne zastaranje trěbne abo zo móhli so sylnišo alternatiwne rozrisanja nałožować.

Demografiska změna wotbłyšćuje so tež w starobnej strukturje w Sakskej praktikowacych lěkarjow. W bliskim přichodźe póńdźe wjace sakskich lěkarjow ze starobnych přičin na wuměnk hač so tuchwilu dorost na medicinskich fakultach sakskich uniwersitow wukubłuje.

Marginalspalte


Illustration

© Institution