1. Navigation
  2. Inhalt
  3. Herausgeber
Inhalt

Rumowe wuwiće a wobchad

Kajki wliw ma demografiska změna na wuwiće sakskich městow a gmejnow?

Demografiska změna wuskutkuje so rozdźělnje w jednotliwych regionach a městach w Sakskej. Tak budźetej wosebje měsće Lipsk a Drježdźany hač do 2020 ze snadnymi přirostami wobydlerjow ličić móc, mjeztym zo budu ličby wobydlerstwa na př. w dalokich dźělach Wuchodneje Sakskeje čujomnje spadować. Tak budu přichodnje so pomjeńšowace a rosćace regiony porno sebi eksistować. Ludnosć budźe so sylnišo we wěstych centrach koncentrować.

Tež hdyž budźe so hustota wobydlerstwa na zakładźe cyłokrajneho woteběranja ludnosće hač do 2020 pomjeńšować, wostanje Sakska w europskim měritku husto wobsydleny region Europy.

Što su sćěhi demografiskeje změny za bydlenske wiki?

W regionach Sakskeje, hdźež pobrachuje na dosahacym dorosće dźěći a přićehnjenju, pomjeńšuja so wulkosće domjacnosćow. To rěka, eksistuje přeco wjace jedno- a dwuwosobowych domjacnosćow, mjeztym zo dźe ličba domjacnosćow z třomi, štyrjomi abo wjace wosobami, potajkim w klasiskej swójbnej wulkosći, přeco bóle wróćo. Runočasnje spaduje cyłkownje ličba domjacnosćow. Tendencielnje budźe něhdźežkuli poskitk na bydlenskim rumje wjetši hač naprašowanje, tak zo změjemy tež dale prózdne bydlenja.

Zo bychmy problemej prózdnostejacych bydlenjow wotpomhali, dyrbja so tež nadal bydlenja z wikow brać, přetož tak dołho kaž bydlenja prózdne steja, su wone hospodarsce bjez hódnoty.

Runočasnje maja so te dźěle bydlenskeho poskitka skrućeć, za kotrež je přichodnje wjetša potrjeba wočakować. Tak powjedźe na přikład přiběracy podźěl staršich ludźi k dale stupacemu naprašowanju za małymi, starobje přiměrjenymi bydlenjemi.

Powjedźe strata ludnosće k straće na žiwjenskej kwaliće?

Přiměrjenje zjawnych infrastrukturow na mjeńše wobydlerske ličby móže tež k tomu wjesć, zo móžeja so wšelake słužby zjawneho eksistencneho zastaranja we wěstych gmejnach a regionach jenož hišće wobmjezowane poskićeć. To samsne płaći za priwatne posłužby. Někotre sćěhi tutoho wuwića dadźa so přez inteligentne poskitki złahodnjeć, na př. přez mobilnych bliskozastaraćelow, kotřiž su ze swojimi žiwidłowymi wobchodami na kolesach na wěstych dnjach tydźenja w gmejnach přitomni, w kotrychž bě so wobchod hižo před lětami zawrěł.

Kajke wuskutki ma woteběranje ludnosće na zjawny wosobowy bliskowobchad?

W regionach z woteběracymi ličbami wobydlerjow mamy tež z mjeńšimi ličbami kupcow w zjawnym wosobowym bliskowobchadźe (ÖPNV) ličić. Mjenje pasažěrow čini wobchowanje eksistowaceje syće dróše. To wjedźe k tomu, zo budu na kraju, w snadnje wobsydlenych regionach, busy a ćahi rědšo wob dźeń abo w tydźenju jězdźić abo syć čarow so prosće wućeńši. Tule maja so alternatiwne rozrisanja namakać, zo by so móhła mobilita dźěći, młodostnych a staršich ludźi zdźeržeć.

Marginalspalte


Illustration

© Institution