1. Navigation
  2. Inhalt
  3. Herausgeber
Inhalt

Hospodarstwo a dźěło

Kajke wuskutki ma demografiska změna na sakske dźěłowe wikwi?

Porno druhim zwjazkowym krajam ma Sakska wysoki podźěl winowatostno-socialnozawěsćenych přistajenych na 1.000 wobydlerjow.

Demografiske wuwiće wuskutkuje pak so tohorunja na dźěłowe wiki. Ličba dźěłakmaneje ludnosće Sakskeje budźe sylnišo hač ličba wobydlerjow woteběrać.

Podźěl ludnosće w dźěłakmanej starobje spaduje hač do 2020 wo někak pjećinu. Sakskim dźěłowym wikam budu z tym čujomnje mjenje dźěłakmanych k dispoziciji stać.

W Sakskej zastupi dotal přerěznje wjace młódšich ludźi do dźěłowych wikow hač z nich staršich ludźi wustupi. Tutón poměr so wot 2020 přewobroći, tak zo njemóžeja młódši staršich po mnóstwje hižo 1 : 1 narunać. Wosebje pola wysokokwalifikowanych wočakuje so w přichodnych lětach čujomna dźěra w poskitku fachowych mocow. Wot toho budu po wšěm zdaću předewšěm inženjerske wědomosće a přirodowěda kaž tež medicinski wobłuk potrjechene. W sćěhowacym móhło naprašowanje za dźěłowymi mocami wróćo hić, hdyž so na př. inowatiwne předewzaća dorostoweho bracha dla zasydlenja abo zawodoweho rozšěrjenja wzdadźa.

Wuwiće potenciala dźěłakmanych wosobow w Sakskej do 2020 (hódnota w lěće 2000 wotpowěduje 100 %)

Žórło: Zwjazkowy zarjad za statistiku; Krajny zarjad za statistiku Swobodneho stata Sakska, swójske wobličenja; pokazka: Daty předleža za 2000, 2003, 2005, 2010, 2015, 2020; ličby za Wuchodnu Němsku inkluziwnje Berlin; prognozowe ličby z 11. koordiněrowaneho předwobličenja ludnosće Zwjazka hač do 2020 – warianta 1-W1

Žórło: Zwjazkowy zarjad za statistiku; Krajny zarjad za statistiku Swobodneho stata Sakska, swójske wobličenja; pokazka: Daty předleža za 2000, 2003, 2005, 2010, 2015, 2020; ličby za Wuchodnu Němsku inkluziwnje Berlin; prognozowe ličby z 11. koordiněrowaneho předwobličenja ludnosće Zwjazka hač do 2020 – warianta 1-W1
(© Sakska statna kenclija)

Woznamjenja woteběranje ludnosće wottwar bjezdźěłnosće?

Nic kóždy móže to samsne zdokonjeć. Dźěłowe mocy su jara rozdźělnje kwalifikowane.

Dźěłowe wiki budu so sylnišo za dźěłowymi mocami z wysokimi kwalifikacijemi naprašować, mjeztym zo so za mjenje kwalifikowanych wuhlady na dźěłowych wikach skerje mało změnja.

Na zakładźe potrjeby fachowych mocow je pak wočakować, zo so šansy za zastup do powołanja młodych dorosćenych spadowaceho poskitka dźěłowych mocow dla jasnje polěpša.

Što woznamjenja změna na dźěłowych wikach za předewzaća?

Hdyž njebudźe na srjedźnu abo dołhu dobu jenož mjenje dźěławych (dźěłopřijimarjow), ale woni budu zdobom přeco starši, potom dyrbja so předewzaća na to nastajić.

W poslednich lětach zawěsći so dalewuwiće zawodneho know-howa wosebje přez přistajenje młodych wukubłanych powołanskich započatkarjow. Porno tomu buchu starši sobudźěłaćerjo přiběrajcy do předrenty abo do bjezdźěłnosće pušćeni. Tónle puć powjedźe přichodnje do slepeje hasy, dokelž bywa potencial młodych fachowych mocow přeco mjeńši. Tohodla njebudu předewzaća w swojej zawodnej personalnej politice hinak móc, hač zo sylnišo fachowe kompetency swojich staršich sobudźěłaćerjow zdźerža a wuwiwaja.

Marginalspalte


Illustration

© Institution