1. Navigation
  2. Inhalt
  3. Herausgeber
Inhalt

Vogtlandska

Móst přez dolinu rěki Göltzsch mjez sydlišćomaj Mylau a Netzschkau

Móst přez dolinu rěki Göltzsch mjez sydlišćomaj Mylau a Netzschkau
(© Fotolia)

Wjerškowe zwuki a wurjadne canki

Tudy je hudźba doma. Wot 17. lětstotka sem twarja Vogtlandźenjo w Markneukirchenje, Klingenthalu a druhich městach husle, gitary, citery, lěsne truby a harmonikowe instrumenty. Hudźbny kućik rěka tohodla kónčina. Zasydleni twarcy instrumentow zwičnjeja swoje produkty zhromadnje pod mjenom Musicon Valley.

Najdalši juhozapad Sakskeje je za swoje wysoke mosty znaty. Móst přez dolinu rěki Göltzsch mjez sydlišćomaj Mylau a Netzschkau je najwjetši cyhelowy móst swěta a wjerškowy wukon inženjerskeho wuměłstwa. Dźěłaćerjo su 26 milionow cyhelow 78 mětrow wysoko nakopili – na dołhosći wot wjace hač poł kilometra. Po pjeć lětach twarskich dźěłow bu móst 1851 dotwarjeny. Z Pławna pochadźa druhi vogtlandski wjerškowy produkt: swětasławne canki »Plauener Spitze«.

W lěće 2006 poswjeći so w Vogtlandskej arenje najmoderniše skakanišćo Europy. Tudy wotměwaja so mjezynarodne wubědźowanja a swětowe cupy. Za sněhakowarjow na dołhich čarach steja w zymje mnohe loipy k dispoziciji. Sta kilometrow hladanych pućowanskich, kolesowarskich a jěcharskich šćežkow wjedu wopytowarjow přez daloke lěsy a romantiske doliny k najrjeńšim wuhladnišćam a zajimawym historiskim twarjenjam. Znate hojace kupjele wabja do Bad Brambacha a Bad Elstera.

Marginalspalte


Illustration

© Institution