1. Navigation
  2. Inhalt
  3. Herausgeber
Inhalt

Lipsk

Lipšćanske wiki

Lipšćanske wiki
(© Fotolia)

Wiki a medije

Lipsk je komunikacija. Hižo w srjedźowěku křižowachu so tudy najwažniše wobchadne puće a wikowanske dróhi Europy. Z překładowanišća za ruske kožuchi a němske knihi su mjeztym jedne z najwjetšich wikow po cyłym swěće nastali.

Z mjezynarodneje wuměny profituja tež znate wysoke šule města. Na Lipšćanskej uniwersiće, druhej najstaršej w Němskej, wuwučuje a wuknje so hižo wot 1409 sem. Lěta 1764 załožena Wysoka šula za grafiku a knižne wuměłstwo měješe z Johannom Wolfgangom Goethu swojeho najprominentnišeho šulerja. Swoje piwo piješe młody narodny basnik w Auerbachowej pincy a dopomha korčmje ze swojim »Faustom« k swětowej sławje.

Johann Sebastian Bach bě jako kantor za hudźbu w tych štyrjoch Lipšćanskich hłownych cyrkwjach zamołwity. Nimo Janoweho pasiona pisaše tudy wjace hač 300 kantatow, kotrež zaklinča dźensa tež na so lětnje w Lipsku wotměwacym Bachowym festiwalu.

Wjelestronska nakładnistwowa krajina a kóždolětne knižne wiki wuznamjenjatej Lipsk jako jedne z najwažnišich ćišćerskich a nakładniskich městnow. Prěni dźenik swěta – »Einkommende Zeitung« – produkowaše spočatk julija 1650 Lipšćanski ćišćer Timotheus Ritzsch. Dźensa su w Lipsku renoměrowane nakładnistwa kaž Brockhaus, Meyer a Reclam doma.

Nimo dobrych tradicijow steji Lipsk tež za změny: Běchu to wobydlerjo Lipska, po ludnosći najwjetšeho města Sakskeje, kotřiž so 1989 po tysacach w cyrkwi swj. Mikławša k póndźelnišim modlitwam hromadźachu a potom transparenty z napismom »Wir sind das Volk« a »Keine Gewalt« po dróhach nošachu. Běše to jich wěra do měrliweho politiskeho přewróta, kotraž skónčnje cyłu republiku hrabny a puć němskemu znowazjednoćenju puć runaše.

Marginalspalte


Illustration

© Institution