1. Navigation
  2. Inhalt
  3. Herausgeber
Inhalt

Sakska 1945-1990

Powójnski čas a NDR

W juliju 1945 stanje so Sakska dźěl sowjetskeho wobsadniskeho pasma a dóstanje nowu wustawu. Po załoženju Němskeje demokratiskeje republiki so jednotliwe kraje rozpušća. Sakska rozdźeli so do wobwodow Drježdźany, Lipsk a Kamjenica/Karl-Marx-Stadt. Ludowy zběžk wot 17. junija 1953 so tež w Sakskej brutalnje porazy. Měrliwa rewolucija wot 1989 započa so w Sakskej. Póndźelniše demonstracije přećiwo SED-knježerstwu rozšěrjeja so wot Lipska, Pławna a Drježdźan po cyłej NDR a přinošuja ke kóncej SED-režima.

3. julij 1945 Sakska stanje so dźěl sowjetskeho wobsadniskeho pasma (SBZ)

9. julij 1945 Wutworjenje krajneho zarjadnistwa pod Rudolfom Friedrichsom (SPD/1946 SED)

20. oktober 1946 Wólby do krajneho sejma: SED 59, LDPD 30, CDUD 28, Burska pomoc 2, Kulturny zwjazk 1 mandat

28. februar 1947 Wobzamknjenje noweje wustawy Kraja Sakskeje w krajnym sejmje

7. oktober 1949 Ze Załoženjom Němskeje demokratiskeje republiki (NDR) stanje so Sakska z krajom NDR.

23. julij 1952 Rozpušćenje krajow NDR we wobłuku zarjadniskeje reformy. Sakska rozdźěli so do wobwodow Drježdźany, Lipsk a Kamjenica (1953-90: Karl-Marx-Stadt).

17. junij 1953 Zhorjelc a Niska stej srjedźišći ludoweho zběžka, kotryž so tež tudy brutalnje porazy.

1989 Póndźelniše demonstracije přećiwo SED-knježerstwu rozšěrjeja so wot Lipska, Pławna a Drježdźan po cyłej NDR. Měrliwa rewolucija skónči naposledk knježerstwo SED.

18. měrc 1990 W NDR woli so prěnja swobodna Ludowa komora. Dobyćer wólbow je »Alianca za Němsku«, wólbny zwjazk wobstejacy z Křesćansko-demokratiskeje unije (CDU-wuchod), Němskeje socialneje unije (DSU) a Demokratiskeho rozmacha (DA).

1. julij 1990 Měnowa, hospodarska a socialna unija mjez ZRN a NDR nabywa płaćiwosće.

Marginalspalte


Illustration

© Institution