1. Navigation
  2. Inhalt
  3. Herausgeber
Inhalt

Biografija

Ministerski prezident Stanisław Tilich

Ministerski prezident Stanisław Tilich
(© Sakska statna kenclija / Laurence Chaperon)

Žiwjenjoběh Stanisława Tilicha

  • Stanisław Tilich narodźi so dnja 10. apryla 1959 w Nowej Wjesce (Sakska).
  • 1984 wotzamknje swój studij na Techniskej uniwersiće Drježdźany jako diplomowy inženjer za konstrukciju a ćěridłowu techniku.
  • Po tym dźěła jako konstrukter w elektronikowym předewzaću.
  • 1987 přistupi Stanisław Tilich CDU.
  • Wot 1987 do 1989 dźěła wón jako sobudźěłaćer, wot meje 1989 jako naměstnik předsydy za wikowanje a zastaranje při Radźe wokrjesa Kamjenc, doniž so ze srjedźostawskim předewzaćom njezesamostatni.
  • Wot měrca do oktobra 1990 je Stanisław Tilich čłon prěnjeje swobodnje woleneje Ludoweje komory NDR a wot 1991 do 1994 wobkedźbowar w Europskim parlamenće.
  • Wot 1994 do 1999 je wón čłon Europskeho parlamenta, hdźež skutkuje jako zastupowacy předsyda budgetoweho wuběrka a jako generalny rozprawjer za budget Europskeje unije.
  • Po tym powoła jeho Kurt Biedenkopf jako statneho ministra za zwjazkowe a europske naležnosće do swojeho kabineta. Runočasnje je Stanisław Tilich społnomócnjeny Swobodneho stata Sakskeje při Zwjazku.
  • W meji 2002 pomjenuje jeho Georg Milbradt za šefa statneje kenclije, prjedy hač jeho w nowembrje 2004 jako statneho ministra za wobswět a ratarstwo powoła.
  • Wot septembra 2007 do meje 2008 je Stanisław Tilich Sakski statny minister za financy.
  • Připódla je wón předsyda wokrjesneho zwjazka CDU w Kamjencu a woli so dnja 24. meje 2008 jako předsyda sakskeje CDU.
  • Sakski krajny sejm woli Stanisława Tilicha dnja 28. meje 2008 za ministerskeho prezidenta Swobodneho stata Sakskeje.
  • Stanisław Tilich je Serb romsko-katolskeje konfesije. Wón je woženjeny a ma dwě dorosćenej dźěsći.

Marginalspalte


Illustration

© Institution