1. Navigation
  2. Inhalt
  3. Herausgeber
Inhalt

Radijo

Radijo

Radijo
(© SK)

Zjawnoprawniscy poskićerjo

Srjedźoněmski rozhłós

Srjedźoněmski rozhłós (Mitteldeutscher Rundfunk, MDR) je krajna rozhłosowa stacija krajow Sakska, Saksko-Anhaltska a Durinska. Wón ma swoje sydło w Lipsku.

MDR je sobustaw ARD a ma prawnisku formu wustawa zjawneho prawa. Srjedźoněmski rozhłós rozšěrja z MDR 1 Radio Sachsen sakski krajny program a produkuje wyše toho program w serbskej rěči. Přidatnje móžeja so w Swobodynm staće nadregionalne programy MDR (MDR Info, MDR Figaro, Jump přez UKW kaž tež jeničce digitalnje MDR Klassik) přijimować.

Deutschlandradio

Deutschlandradio wusyła po cyłej Zwjazkowej republice dwaj programaj. Deutschlandfunk ma swoje sydło w Kölnje, Deutschlandradio Kultur w Berlinje. Wobaj programaj móžetej so nimale přezcyłnje w Sakskej přijimować.

Deutschlandradio bu 1994 přez statne zrěčenje wšěch zwjazkowych krajow natwarjene a je korporacija zjawnostneho prawa.

Programaj Deutschlandradio stej bjez wabjenja. Wón financuje so přez rozhłosowe popłatki.

    Priwatni poskićerjo

    Komercielni a njekomercielni poskićerjo

    W Sakskej wusyłaja so tuchwilu někak 20 priwatnych (komercielnych) kaž tež někotre njekomercielne rozhłosowe programy na UKW-frekwencach.

    Njekomercielne radijowe programy njesu so wot zapisanych towarstwow a wuhotuja sami swój program w swójskej zamołwitosći a bjez orientacije na dobytk. Sakski krajny wustaw za priwatny rozhłós a nowe medije (SLM) podpěruje tute programy.

    Marginalspalte


    Illustration

    © Institution